Вядома, што любоў да Радзімы пачынаецца з матулінай калыханкі, са сцяжынкі да роднай хаты, з вывучэння гісторыі малой радзімы.

Шмат увагі вывучэнню мінулага і сучаснага Глыбоччыны і Азярэцкага краю ўдзяляе настаўніца гісторыі і грамадазнаўства вышэйшай кваліфікацыйнай катэгорыі ДУА “Азярэцкая дзіцячы сад-сярэдняя школа Глыбоцкага раёна” Рубніковіч Зоя Мацвееўна, кіраўнік навуковага таварыства навучэнцаў “Пошук”.

Праца настаўніцы і яе выхаванцаў маюць высокія вынікі, адзначаны ўзнагародамі рэспубліканскага і міжнароднага ўзроўняў.

Напярэдадні жаночага свята Зоя Мацвееўна атрымала шмат шчырых віншаванняў ад сваіх вучняў, іх бацькоў, калег.

Нечаканым сюрпрызам для настаўніцы Азярэцкай школы стала віншавальная паштоўка з нагоды 8 Сакавіка ад Прэзідэнта Рэспублікі Беларусь Лукашэнкі Аляксандра Рыгоравіча.

Мы, вучні і настаўнікі Азярэцкай школы, вельмі ўдзячны кіраўніку дзяржавы за ўвагу да працы Рубніковіч Зоі Мацвееўны, за яго цёплыя словы віншавання ў яе адрас.

Пажадаем настаўніцы і яе вучням далейшых поспехаў, перамог і новых узнагарод!